Aeroporti nuk shkeli ligjin në rastin e kontratave me punëtorë

Menaxhmenti i Aeroportit Ndërkombëtar të Prishtinës, nuk ka shkelur Ligjin e Punës me vendimin për mos t’ua vazhduar kontratat disa punëtorëve.

Ky është konkludimi që ka nxjerrë Inspektorati i Punës pas evidentimit që i ka bërë vendimeve të marra nga menaxhmenti, raporton KTV. Zyrtarë të saj kanë thënë se i vetmi gabim i marrë është ai për largimin e 18 punëtorëve që kanë mbi dhjetë vjet përvojë pune.

Inspektorati ka bërë të ditur se numri i të larguarve është 46 persona. Ibrahimi ka shpjeguar se si e lejon ligji në ato raste kur punëtorët kanë marrë vërejtje nga menaxhmenti apo edhe nëse ata punëtorë janë nën hetime të policisë.

Pakënaqësitë e punëtorëve nisën nga 3 marsi kur menaxhmenti i aeroportit nga konsorciumi Limak dhe Lion kishte paralajmëruar mos vazhdim të kontratave për një numër të punëtorëve.