Modelja e bukur shqiptare, Adrola Dushi, në një emision ka treguar për mëmësinë e saj dhe momentin e shtatzënisë, raporton “Kosova Sot Online”.
Dushi tregoi se ajo është bërë nënë për herë të parë në moshën 20-vjeçare.
Modelja foli për momentet e para kur mësoi që priste një fëmijë dhe tregoi se e kishte menduar edhe të ndërpriste shtatzëninë.
Mirëpo, Adrola tha se është krenare me djalin e saj, e cila thotë se i ka dhënë kuptim jetës së saj.
“Po, kam qenë 20 vjeçe kur u bëra nënë. Gjithçka erdhi shumë papritmas, nuk isha aspak gati që ta merrja atë titull në jetën time, që është titulli më i bukur absolutisht. Gati-gati mendoja që ta ndërprisja shtatzëninë time. Ama në jetën time është një mrekulli, djali im Troi, i cili më ka dhënë kuptimin e jetës dhe absolutisht jam shumë krenare për atë fëmijë që kam. Të gjitha peripecitë jo të lehta që unë kalova në atë kohë, i ka shpërblyer të gjitha im bir dhe jam shumë shumë-krenare për të”, tha modelja.
