Adriatik Brestovci futbollisti i talentuar që premton shumë

Gjilan – Adriatik Brestovci edhe pse është vetëm 17 vjeçar dëshira e tij është që në të ardhmen të luaj për ndonjë klub të madh. E dua futbollin dhe kam talent e aftësi të përballem me secilin kundërshtar thotë Brestovci i cili aktualisht luan për FC “Galaksia” në ligën e dytë të Kosovës.

Ka nisur të luaj dhe të mishërohet me futbollin qysh kur ishte vetëm 10 vjeçar. Adriatik Brestovci i cili tashmë ka mbushur 17 vite thotë për rajonipress se dëshira e tij e madhe është që të luaj për ndonjë klub të madh.”

Kam aftësi e kam edhe talent sepse e dua futbollin me zemër. Dëshirojë të jap gjithçka nga vetja dhe në fushë jam i pa kompromis edhe pse luaj mesfushor” shprehet Brestovci.

Brestovci i cili luan për ligën e dytë të Kosovës në klubin FC “Galaksia” thotë se vazhdimisht përgatitet në mënyrë intensive. “Asgjë nuk i lë rastësisë sepse përgatitem në mënyrë dinamike dhe jap gjithçka nga vetja. Jemi të disiplinuar në ekip dhe kjo punë arrihet edhe fal trajnerit Jetullah Arifi” u shpreh Brestovci./rajonipress/