Adnani do të bëhet i madh

Mesfushori i Manchester Unitedit, Ander Herrera, thotë se ka qenë mjaft i impresionuar me akademinë e klubit, që prej arritjes së tij, duke besuar se Adnan Januzaj po bën hapa gjigantë. Mesfushori kosovar me pasaportë belge është përdorur më rrallë nga trajneri Louis van Gaal gjatë këtij sezoni, por ai ka startuar në tri nga katër ndeshjet e fundit në Premierligë, shkruan Zëri.

“Nuk e kam ditur se sa e mirë është Akademia e United. Januzaj po bëhet lojtar mjaft i rëndësishëm”, ka shkruar Herrera në llogarinë e tij në rrjetin social, “Twitter”. 19-vjeçari kishte oferta të shumta gjatë janarit, por në fund vendosi të vazhdonte me “Djajtë e Kuq”, të cilët llogarisin në të. /Zëri/