Basaksehir e ka mbyllur pjesën e parë me epërsi 4-0 si mysafir i Giresunspor, në duelin që po luhet në kuadër të javës së 31-të në Superligën e Turqisë.
Llogarinë e golave për Basaksehirin e hapi Adnan Januzaj në minutën e 16-të, duke frymëzuar bashkëlojtarët e tij për një start të lehtë.
Goli i dytë i ekipit turk erdhi në minutën e 25-të, kur Figueiredo u asistua prej Szysz.
Januzaj ia doli që pas dhjetë minutave nga goli i dytë, të shënonte të tretin për Basaksehirin dhe të dytin personal në këtë sfidë.
Për 4-0 u përkujdes Figueiredo, që realizoi në minutën e 45+2-të, me një asistim të Januzajt.
Këto janë golat e para për Januzajn në ligën turke, po ashtu edhe asistimi i tij i parë, gjersa është i huazuar nga Sevilla deri në fund të sezonit. /Telegrafi/
