Adnan Januzaj, lojtari më i mirë i vitit

Talenti kosovar i Manchester United, Adnan Januzaj është shpërblyer me çmimin si lojtari më i mirë i ri i vitit nga Manchester United.

Në një ceremoni zyrtare, Manchester United ka ndarë shpërblimet e vitit për lojtarët më të mirë të sezonit, ku fitues ishte edhe kosovari Januzaj.

Ky sukses është i jashtëzakonshëm për talentin kosovar pasi që brenda pak kohe Januzaj arriti të fitoj këtë çmim të madh në një akademi shumë të respektuar në botë.

Michael Carrick është zgjedhur lojtari më i mirë nga skuadra e parë, ndërsa Van Persie si më i miri nga tifozët.

Goli i Van Persiet ndaj Aston Villës është zgjedhur si goli i edicionit ndërsa Januzaj talenti më i madh i vitit./Indeksonline/