Adnan Januzaj kalon në ekipin e parë të United

Supertalenti shqiptar i Manchester United, Adnan Januzaj, është promovuar në ekipin e parë të kampionit të Anglisë. Ai do të bart fanellën me numër 44. Januzaj ka marrë besimin e stafit teknik të ekipit të parë të Manchester United pas paraqitjeve impresive këtë sezon dhe kalimin e tij në ekipin e parë e ka konfirmuar faqja zyrtare e kampionit të Anglisë.

Në komunikatën e klubit anglez Januzaj përshkruhet si lojtar me tipare të jashtëzakonshme, që pëlqen të mbajë topin dhe me precizitet të jashtëzakonshëm në goditjet standarde. Aftësia e tij për të lexuar lojën dhe për të futur në lëvizje bashklojtarët e bëjnë atë një prej mesfushorëve më me perspektivë në botë.

“Më pëlqen të luaj me top në këmbë. Ky është tipi im dhe jo tipi që mbrohet. Unë i marr ndërprerjet po ashtu dhe më pëlqen që të shërbej më së miri topat në zonë e t’u ndihmoj bashkëlojtarëve”, kishte thënë kohë më parë Januzaj.

Së fundmi Januzaj asistoi në ndeshjen U-21 ndaj ËBA-së, ku e ndihmoi Sean McGintyn të shënonte golin që zhbllokoi rezultatin e atij takimi.

Januzaj është produkt i akademisë së Anderlechtit dhe ai ka pasaportë belge.