Admir Mehmedi drejt Leverkusenit

Admir Mehmedi raportohet se është kapur në radarin e Bayer Leverkusen në prag të afatit kalimtar të verës.Sulmuesi shqiptar i përfaqësueses së Zvicrës pritet të largohet nga Freiburgu këtë verë, pas rënies së klubit në Bundesliga 2.

Sipas gazetës gjermane “Kicker”, Freiburg nuk do të jetë në gjendje ta mbajë 24-vjeçarin nga Gostivari i Maqedonisë.

Ndërkohë Leverkusen e sheh atë si zëvendësim ideal për bashkëlojtarin e tij te përfaqësuesja e Zvicrës, Josip Drmic, i cili mund të largohet nga skuadra.

Gjithsesi Freiburg nuk do të heqë dorë lehtë nga shërbimet e shqiptarit, për të cilin do të mundohet të nxjerrë në shumë sa më të lartë. /Telegrafi/