Adem Demaçi merr shtetësinë e Shqipërisë
RajoniPress
14:07, 20 Korrik, 2012
23 vendime ka marrë Presidenti i Shqipërisë, Bamir Topi për dhënie shtetësi gjatë shtatë muajve të këtij viti. Ai u ka dhënë shtetësinë 259 personave.
Shtatë dekrete kanë qenë të veçanta pasi Presidenti i ka marrë për persona të “përveçëm”.
Sipas gazetës “Shekulli”, bëhet fjalë për dhënien e shtetësisë për Ilir Shaqirin, Adem Demaçin, Shkëlzen Jetishin, Shota Baraliun, Isak Bilallin, Nora Nishliun dhe Oliver Dieter Fritz Garreis.
Presidenti, Bamir Topi, e mbyll mandatin e tij me 24 korrik dhe nuk dihet nëse në ditët e fundit do të firmosë ndonjë vendim tjetër për dhënie shtetësie.
