Adelina Tahiri: Mamaja nuk më lë të zë të dashur

Tiranë – Këngëtarja shkupjane Adelina Tahiri u bë pjesë e diskutimeve në mediat shqiptare dhe maqedonase nga dita e pavarësisë së Maqedonisë, kur u shfaq e veshur me pantollone të shkurta me flamurin amerikan.

Pas kësaj, këngëtarja Tahiri ka reaguar në lidhje me atë se pse çohet kaq shumë pluhur, kur në botë është trend i ri me këtë stil si Beyonce, Britney, Lady Gaga, raporton Panorama plus.

Si duket, këngëtarja e njohur ka ambicie për një karrierë jashtë vendit, ndërsa edicionin e fundit ishte pjesë e garës së kërcimit në ”Dancing with the stars”, ku nuk arriti të pozicionohet në ndonjë vend të lartë. Edhe pse me një karrierë të suksesshme, kjo garë e promovoi akoma më shumë tek audienca shqiptare.

Ndonëse është në fokus nga shumë meshkuj në Maqedoni, Kosovë, Shqipëri e diasporë, Adelina Tahiri është ende ”single” dhe nuk ka të dashur. “Ndoshta ju duket jo reale dhe ju dukem si në kohën e vjetër, por për momentin nuk kam të dashur dhe nuk jam e dashuruar. Mamaja ime nuk më lë të zë të dashur”, tha Adelina dhe shtoi: “Mendoj se asnjë mashkull nuk do të donte që të ketë pranë vetes një femër që jeton gjithmonë në lëvizje me valixhe në duar, e gatshme edhe për një tjetër koncert. Por asnjëherë nuk e kam humbur besimin në dashuri, pasi kjo gjë do më ndodh besoj së shpejti, kur të vijë koha e vërtetë”, shtoi Adelina.

Ajo gjatë gjithë kohës shihet në shoqëri të së ëmës, Teutës, për të cilën thotë se është mikja më e mirë dhe se nuk i fsheh asgjë dhe pranon këshilla prej saj. Për shkak të angazhimeve gjatë verës, Adelina nuk ka pasur mundësi të shijojë pushimet si duhet. Në plan e ka të udhëtojë drejt ndonjë vendi ekzotik, ndërsa shoqëri do i bëjnë disa kushërira të saj. “Dua të notoj dhe të zbuloj botën nënujore, kështu që nuk mund të pres gjatë për këtë udhëtim”.