Adelina Emini, këngëtarja e apasionuar pas librave

Këngëtarja Adelina Emini ka gati një vit që nuk ka publikuar ndonjë projekt të ri muzikor, megjithatëfansat presin që së shpejti të dëgjojnë diçka të re nga ajo.

Ndërkohë, Adelina është mjaft e angazhuar edhe me profesionin si ligjeruese në Universitetin për Biznes dhe Teknologji në Prishtinë, si dhe në sektorin e marketingut në RTK.

Ajo është herë pas here aktive edhe në rrjetet sociale, përmes së cilave publikon fotografi të ndryshme nga përditshmëria e saj.

Në një fotografi të publikuar së fundmi në Instagram, ajo është shfaqur në një ambient e rrethuar me rafta librash, teksa zgjedh njërin prej tyre për të lexuar.

Adelina ka treguar në disa intervista pasionin e saj të madh që ka për leximin, teksa të njëjtën gjë e pohon edhe në mbishkrimin e fotografisë.

“Libri është pasuria dhe miku më i mirë i njeriut!”, shkraun këngëtarja përbri fotografisë, në të cilën përveç elegancës shfaq edhe anën e saj intelektuale. /Telegrafi/