Adele për dasma, më e shtrenjt se Meda!

Nëse keni menduar se këngëtarët tanë të muzikës popullore si Xeni, Meda, apo edhe Labi janë prej më të shtrenjtëve në Evropë, atëherë jeni gabuar, pasi Adele duket të jetë në krye të top listës.

Krijuesja e hitit “Skyfall” është kontaktuar nga manjati afrikano-jugor, Vivian Inerman, që ajo të këndojë në dasmën e vajzës së tij Megan në Londër, por njeriu me pasuri prej 400 milionë dollarësh ka vendosur që të mos angazhojë yllin britanik kur mësoi se gjithë performanca do të kushtonte 2.5 milionë funte.

Kështu, duket se Adele e vlerëson mjaft shumë veten, pasi kërkon 100 mijë funte për të performuar një minut.

“Vivian është duke planifikuar një martesë luksoze për vajzën e tij. Ai pagoi Amy Ëinehouse me mijëra funte për të performuar në martesën e vajzës së tij të madhe Bianca tri vjet më parë. Ai shpresoi ta bënte të njëjtën gjë edhe me Adelen”.

“Por, ai ishte befasuar kur ajo i kishte thënë se performanca do të kushtonte 2.5 milionë funte. Përkundër faktit se ai është mjaft i pasur, ai e konsideroi çmimin e Adele shumë të shtrenjt dhe tani po kërkon artistë të rinj”, ka thënë një burim për Daily Star.

Artistët tanë nëpër dasma paguhen nga 5000 mijë deri në 10 mijë euro për një performancë prej dy-tri orëve.