Mesfushori fantastik i Kombëtares së Shqipërisë, Amir Abrashi është bërë cak i shumë skuadrave të njohura evropiane.Anëtari i skuadrës zvicerane Grasshopper është në fund të kontratës dhe në qershor do të jetë i lirë për ta vendosur të ardhmen, transmeton Telegrafi.
25-vjeçari po kërkohet me ngulm nga shumë skuadra italiane siç janë Lazio, Inter, Genoa, Torino dhe Sampdoria, ndërsa për të ka interesime edhe nga kampionatet e ndryshme evropiane.
Në Spanjë e kërkojnë dy skuadra me emër të respektueshëm por që nuk janë bërë publike emrat e tyre, ndërsa ai kërkohet edhe nga Tolouse në Francë dhe Hajduku në Kroaci.
Gjithashtu lojtari fantastik ka oferta nga Basel dhe Young Boys në Zvicër, por dëshira e tij e madhe është Bundesliga.
Werder Bremen dhe Hannover 96 janë dy skuadrat favorite për t’i siguruar shërbimet e tij. Mbetet të shihet se ku do të përfundoj mesfushori gjakovar i cili është ndër më të mirët në Zvicër dhe te Kombëtarja e Shqipërisë. /Telegrafi/
