Abrashi vazhdon të shkëlqejë, tjetër gol me Freiburgun

Amir Abrashi është njëri nga lojtarët shqiptarë me formën më të mirë momentale, pasi përpos ndeshjeve fantastike ai po shënon edhe gola.Mesfushori fantastik i skuadrës gjermane Freiburg, ka arritur të shënoj edhe një gol tjetër me skuadrën e tij të re edhe pse roli i tij në fushë është mesfushor qendror.

‘Pitbulli’ i Kombëtares së Shqipërisë ishte titullar në ndeshjen miqësore mes Freiburg dhe SV Kirchzarten, ku triumfoi skuadra e gjakovarit me rezultat të thellë 7-1.

Abrashi kaloi bukur dy lojtarë dhe kombinoi me bashkëlojtarin e tij Bergeman i cili asistoi për gjakovarin që shënoi për mrekulli golin e katërt në këtë sfidë.

Ky ishte goli i dytë për mesfushorin 25-vjeçar në dy ndeshjet e para me Freiburgun që prej transferimit të tij tek kjo skuadër nga Grasshoppers.

Abrashi si duket do të jetë një lider i padiskutueshëm edhe tek Freiburgu ashtu siç ishte në Zvicër te GC. /Telegrafi/