Abrashi shkëlqen edhe në humbje për Freiburgun

Mesfushori shqiptar, Amir Abrashi po vazhdon me formë të jashtëzakonshme në Bundesliga këtë edicion.

Gjakovari ka qenë lider i Freiburgut në vitin 2018 pas rikthimit nga lëndimi i pësuar muaj më parë.

Që nga rikthimi në fushë, reprezentuesi shqiptar ka luajtur të gjitha ndeshjet si titullar dhe është vlerësuar maksimalisht në Gjermani.

26-vjeçari ka ndihmuar Freiburgun në pesë ndeshje pa humbje ku morën tri barazime dhe dy fitore.

Abrashi ka qenë titullar edhe në ndeshjen e humbur ditën e shtunë 2-1 nga Hannoveri.

Edhe pse skuadra e tij humbi, Abrashi është vlerësuar lartë për paraqitjen e tij në fushë.

Mesfushori energjik ka marrë notën 7,5 që ishte nota e dytë më e lartë te Freiburgu pas sulmuesit Holer.

Në ndeshjen e radhë Freiburgu do të jetë nikoqir i Werder Bremenit ku do të ketë edhe një përballje mes Amir Abrashit dhe Milot Rashicës. /Telegrafi/