Abrashi paralajmëron Bayernin: Nuk kemi frikë nga ta
RajoniPress
10:48, 30 Mars, 2019
Bayern Munich do të luaj ndaj Freiburgut në javën e 27-të në Bundesliga.
Kampionët aktual të Gjermanisë janë duke synuar ta mbrojnë titullin e kampionit dhe janë në garë të rreptë me Dortmundin.
Nikoqir i Bayernit do të jetë mesfushori shqiptar Amir Abrashi me Freiburgun e tij.
Abrashi ka paralajmëruar se do ta ndalin Bayernin në shtëpi dhe thotë se nuk ia kanë frikën.
“Bavarezët nuk duhet të kalojnë vetëm mbi mua, por edhe mbi të gjithë skuadrën. Nuk kemi frikë. Luajmë në shtëpi dhe e dimë shumë mirë se çfarë duhet të bëjmë për të ngacmuar një skuadër si Bayerni”, u shpreh Abrashi.
“Bayerni nuk do ta ketë të lehtë ta marrë fitoren këtu, do të mundohemi t’i mposhtim”, u shpreh mesfushori shqiptar.
Pas 26 ndeshjeve në Bundesliga, Freiburgu ndodhet në pozitën e 11-të me 31 pikë të tubuara dhe duket larg zonës së rrezikut. /Telegrafi/
