Abrashi me dy opsione: Serie A apo Bundesliga
Mesfushori i Kombëtares së Shqipërisë, Amir Abrashi ende nuk ka vendosur për të ardhmen e tij.Lojtari që i jep shpirt Kombëtares së Shqipërisë dhe Grasshoppersit me lojën e tij, ka dy oferta tejet të rëndësishme në duar dhe gjatë kësaj jave pritet të vendos për të ardhmen e tij, transmeton Telegrafi.
24-vjeçari ka një para kontratë me ekipin gjerman Werder Bremen për në verë, ndërsa tani për shërbimet e tij është duke u interesuar edhe Torino nga Serie A.
Mediat italiane të cilat janë të afërta me klubin torinez kanë shkruar se trajneri i skuadrës Giampiero Ventura është adhurues i madh i lojës së mesfushorit shqiptar dhe ka kërkuar nga drejtuesit e klubit t’ia sjellin në Torino.
Kujtojmë që kontrata aktuale e Abrashit me Grasshopperin skadon në fund të stinorit, ndërsa gjakovari ka pasur oferta edhe nga La Liga, Ligue 1 dhe kampionatin zviceran. /Telegrafi/