Abrashi kthehet në stërvitje me Freiburgun pas 239 ditëve mungesë
RajoniPress
22:32, 9 Nëntor, 2018
Amir Abrashi është rikthyer në stërvitje me ekipin, pasi kishte pushuar për një periudhë prej shtatë muajsh.
Ai kishte probleme me lëndime duke iu përsëritur shpesh të njëjtit.
“Pitbulli shqiptar” zhvilloi stërvitje me lojtarëve e Freiburgut pas 239 ditëve mungesë me skuadrën gjermane.
Ai është shfaqur mjaft i lumtur pas stërvitjes që ka kryer me grupin dhe që është vënë nën urdhrat e trajnerit të tij.
“Pas një kohe kaq të gjatë, pas 7 muajsh e gjysmë, po stërvitem me grupin sërish”.
“Kam kaluar ditë shumë të vështira. Kishte prej atyre ditëve që thoja: ‘do ta kaloj me sukses’”.
“Kishte prej atyre ditëve që thoja: ‘pse sërish unë, pse 7 muaj’. Janë gjëra që nuk mund t’i ndryshosh”, ka thënë mesfushori. /Telegrafi/
