Abrashi do t’i mungojë Shqipërisë ndaj Spanjës e Gjeorgjisë

Amir Abrashi do t’i mungojë Kombëtares së Shqipërisë në dy ndeshjet miqësore të këtij muaji.

Kombëtarja shqiptare më 26 mars do të luajë në udhëtim te Spanja, kurse pas tri ditësh e pret Gjeorgjinë.

Pavarësisht ftesës nga Edoardo Reja, Abrashi do t’i mungojë “kuqezinjëve” në këto dy ndeshje, shkruan Gazeta Express.

31-vjeçari nuk ka marrë pjesë dje dhe sot në stërvitjet e Shqipërisë, shkaku i një dëmtimi muskular të pësuar gjatë ndeshjes së kampionatit zviceran të dielën e kaluar, në ndeshjen kundër Baselit.

Derisa Federata Shqiptare e Futbollit ende nuk është deklaruar, klubi i Grasshopperit ka njoftuar se Abrashi do të mungojë dy javë.

Mbetet të shihet në vazhdim se cili futbollist do ta zë vendin e Abrashit. /Gazeta Express/

Shpërndaje.
© RAJONIPRESS