Abdixhiku: Vetëvendosje pa pikë marre i thotë komandantëve të UÇK-së jeni me Serbinë

Lumir Abdixhiku, kandidat për Kryeministër nga LDK, duke folur për gjuhën e Lëvizjes Vetëvendosje, tha se ata pa pikë marre dalin e thonë që po dojmë me kthy Serbinë.

Sipas tij, një gjë e tillë i thuhet komandantëve e ushtarëve të UCK-së, të cilët dhanë gjithçka për vendin.

“Pa pikë marre dalin i shikojnë komandantët e ju thonë po doni me na e kthy Serbinë, pa pikë marre. Për ta është diçka e zakonshme. Një ditë ju thonë Fadil Hadergjonajt, Anton Qunit se doni ta ktheni Serbinë, Ramush Haradinajt, i cili i ka dy vëllezër të vrarë, Fatmir Limës, të cilët mund t’i kesh kundërshtar politik por është ushtar i UCK-së”, tha ai në Debat Plus.