Abdixhiku thotë se Kurti funksionon me paranoja: S’di të bëjë, s’di të menaxhojë, s’di të japë
RajoniPress
07:04, 1 Korrik, 2022
Kryetari i Lidhjes Demokratike të Kosovës, Lumir Abdixhiku, ka thënë se kryeministri Albin Kurti funksionon me paranoja.
Ai, në Rubikon me Adriatik Kelmendi, renditi disa arsye që, sipas tij, qëndron ajo që deklaroi:
“Unë kam përshtypjen se këtu ka një paranojë të kryeministrit. Kur është anuluar projekti i gazit, ka qenë paranojë.
”””ështu funksionon Albin Kurti”.
“Qe një vit fondet e MCC nuk janë në gazifikim. Është gabim. Dhe kur kemi ardhur me këto propozime, reagimi i parë ka qenë, ju po i mbroni interesat e naftëtarëve”.
“Pra, është paranojë. Edhe Sunny Hill kur intervenoi nga qeveria, ishte paranojë. ‘Po fiton këtu dikush’. Pra, ky ka frikë prej fitimit, ky ka frikë prej bizneseve, ka frikë prej gazetarëve, prej mësuesve, çdo asociacioni të bizneseve, të gazetarëve e të sindikatave e kështu me radhë”.
Gazetari Kelmendi: Pse të ketë frikë?
“Sepse s’di të bëjë, s’di të menaxhojë, s’di të japë”, tha ai në KlanKosova.
