Abdixhiku takohet me eurodeputetin Mandl: Është një ndër zërat më të fuqishëm të Kosovës në Parlamentin Evropian

Kryetar i LDK-së, Lumir Abdixhiku, të premten ka takuar euro-deputetin austriak, Lukas Mandl, i cili po qëndron në Kosovë.

Në një shkrim në llogarinë e tij në Facebook, Abdixhiku thotë se Mandl në çdo paraqitje të tij flet për historinë e Kosovës, krimet e Serbisë dhe për të ardhmen e Kosovës si pak zëra tjera në Evropë.

“Lukas Mandl, eurodeputeti austriak, është një ndër zërat më të fuqishëm të Kosovës në Parlamentin Evropian. Në Kongresin e fundit të Partive Popullore Evropiane ai madje sponsorizoj rezolutën tonë për liberalizimin e vizave për Kosovën. Rezoluta morri mbështetjen e mbi 500 delegatëve aty”.

“Miqtë e Kosovës, sikurse Lukas Mandl, janë të rrallë. Sot, me bashkëpunëtorë, drekuam me të në Prishtinë. Në emër të të gjithë kosovarëve, e falënderuam nga zemra për gjithë përkushtimin e treguar ndaj Kosovës dhe popullit tonë” ka shkruar Abdixhiku.

Shpërndaje.
© RAJONIPRESS