Abdixhiku numëron dështimet e Kosovës në një vit
RajoniPress
07:40, 4 Dhjetor, 2018
Deputeti i Kuvendit të Kosovës nga radhët e Lidhjes Demokratike të Kosovës, Lumir Abdixhiku, ka përpiluar një listë me dështimet e Kosovës brenda këtij viti.
Ka përmendur, ndër të tjera, dështimin në liberalizimin e vizave, dështimin për anëtarësimin e Kosovës në Interpol dhe dëmshpërblimin e madh për Bechtel-Enka.
“Pra, për 1 vit:
– Dështojnë në liberalizim;
– Humbasin 7 njohje;
– S’antarësohen në Interpol;
– I dhurojnë 54 milionë Bektelit;
– I falin 52 milionë prodhuesve të ujit;
– I humbin 16,000 vende pune;
– E falimentojnë PTK-në;
– Kidnapojnë qytetarë të huaj;
– Shtinë me armë zjarri;
– Mbajnë 5 ministra me aktakuza;
– Fryjnë lista 100 milionëshe;
– Zaptojnë institucione;”, ka shkruar ai në Facebook.
“Dhe asnjë dorëheqje, asnjë përgjegjësi, asnjë skuqje. Kjo klasë politike nuk di të mbajë shtet!”, ka thënë Abdixhiku.
