Abdixhiku: LDK do të përkushtohet që Kosovën ta bëjmë vend që e kemi ëndërruar

Kryetari i Lidhjes Demokratike të Kosovës, Lumir Abdixhiku ka folur pas takimit me presidenten Vjosa Osmani, shkruan Indeksonline.

Ai tha se LDK do të përkushtojë gjithë potencialin e vet për ta bërë Kosovën vend që e kemi ëndërruar përherë.

“Sot, në orët e pasdites, takova Presidenten e Republikës së Kosovës, znj. Vjosa Osmani Sadriu. Zhvilluam një bashkëbisedim të hapur, të drejtë e substancial për temat me interes kombëtar.

Lidhja Demokratike e Kosovës, në cilindo kapacitet, do të përkushtojë gjithë potencialin e vet në bërjen e Kosovës vend që e kemi ëndërruar përherë.

Presidentes i urova sukses në promovimin e shtetit, mbrojtjen e Kushtetutës e përfaqësimin e unitetit në vend”, shkroi Abdixhiku./Indeksonline/