Ambasadori britanik, Nicholas Abbott, deklaroi të martën se nuk duhet që të harrohet e kaluara, por Kosova e Serbia duhet të bëjnë kompromise.
Këtë deklarim, Abbott e bëri me një bashkëbisedim me studentët e Fakultetit Filozofik.
“Jam shumë krenar qe Mbretëria Bashkuara është në çdo hap me Kosovën. Nuk duhet harruar e kaluara mes Kosovës dhe Serbisë, por duhet bërë kompromis”, tha ambasadori Abott, duke shtuar se- “në Ballkanin Perëndimor asnjë shtet nuk duhet ta vë në dyshim të ardhmen”.
Ai u shpreh se edhe pse Mbretëria e Bashkuar është larguar nga Bashkimi Evropian, ky vend e mbështet plotësisht të ardhmen e Evropës.
“Sot nuk kemi asnjë prioritet më të madh se sa ta përkrahim Ukrainën deri në çlirimin e saj”.
Ambasadori deklaroi se nga vera e kaluar, është parë shumë. “Por shumë shqiptarë duke shkuar në Britani të Madhe, e që kjo përbën një problematikë në vete”, ka thënë Abott.
Abbott përmendi edhe sulmet e NATO-s kundër Serbisë në vitin 1999 duke theksuar se është bërë me qëllimin për ta ndalur një katastrofë.
“Në vitin 1999 NATO ndërhyri në Kosovë për të parandaluar një fatkeqësi humanitare”.
Ai tha po ashtu se është mirënjohës për ndihmën që Kosova ia ka bërë Ukrainës, duke iu ofruar strehim gazetarëve e refugjatëve.
