Abazi: Qeverisja komunale shumë anemike

Gjilan – Sahit Abazi shef i grupit të PDK-së tha për rajonipress se vonesat në emërimin e të gjithë drejtorëve dhe drejtorive komunale janë tërësisht të paarsyeshme.

Sahit Abazi shef i grupit të PDK-së në Asamblenë Komunale ka shumë vërejtje rreth mos kompletimit të qeverisjes komunale, ku për pasojë po pësojnë qytetarët dhe vet Gjilani, raporton rajonipress.

Shefi i grupit të PDK-së tha për rajonipress se vonesat në emërimin e të gjithë drejtorëve dhe drejtorive komunale janë tërësisht të paarsyeshme. “Kjo tregon që kryetari aktual gjatë fushatës nuk e kishte idenë e ekipit qeverisës dhe më e keqja është se sot komuna po funksionon si komunë anemike, pa përgjegjësit e duhura të drejtorive dhe pa nisma serioze për të krijuar zgjidhje për problemet që ekzistojnë në çdo komunë, e edhe në komunën e Gjilanit” tha Abazi.

Abazi krejt këtë vonesë në funksionalizimin e qeverisjes komunale i lidh me telashet që mund të ketë Lutfi Haziri me aktivistët e tij brenda LDK-së.”Ndoshta tash kryetari aktual ka probleme me aktivistët e tij të partisë që nuk po arrinë me gjasë ta funksionalizojë ekipin qeverisës, por kjo temë tashmë nuk është aktuale për publikun sepse qytetarëve po ju intereson dhe po u duhet qeverisja serioze e premtuar gjatë fushatës”.

Abazi tha se tashmë publikisht i kanë thënë Lutfi Hazirit se nuk do ta ngucin e as ngacmojnë në 100 ditshin e tij të parë. “Por siç po shkojnë punët Lutës do t`i duhen edhe katër vite për të treguar që se ka fare “haber” qeverisjen. Vazhdimisht po thirret në emër të 8 milion eurove borxhe të trashëguara, por tash kur e ka kuptuar që as gjysma e atij borxhi nuk ekziston, po tenton të blej kohë , duke emëruar vetëm nga një drejtor në muaj” ka ironizuar Abazi./rajonipress/