Abazi: Komuna i ka harruar fshatrat e brezit kufitar

Gjilan – Sahit Abazi shef i grupit të këshilltarëve të PDK-së në Gjilan thotë për rajonipress se fillimisht qeverisja lokale në fillim kishte një angazhim duke i realizuar disa projekte të lëna gati nga qeverisja paraprake dhe me pompozitet të promovuara si projekte të kësaj qeverisje. “Kaloj ajo kohë dhe tash kur banorët e brezit kufitar me Serbinë kur kanë nevojë imediate për dorën e shtetit – komunës janë harruar tërësisht. U është ndaluar transporti nxënësve dhe shërbimet shëndetësore”.

Abazi tha se edhe shirat e kohëve të fundit shkaktuan bllokime të rrugëve në Stublinë, derisa komuna nuk doli asnjëherë të eleminojë këto pengesa. “Nëse kjo qeverisje lokale e Gjilanit nuk dinë a nuk donë tu dalë në ndihmë banorëve është mirë të kërkojë ndihmë, por nuk është mirë t`i lërë banorët e vet në mëshirën e fatit, sepse pasojat janë të rënda”.

Abazi mendon se nëse nuk ka investime serioze në fshatrat e brezit kufitar atëherë shpejt këta banorë të pakët që kanë mbetur mund të shpërngulen në qytet dhe do të bëhen barrë e vet komunës sepse ata e kanë të vështirë jetën në ato zona pa dorën e shtetit. “E ftojë qeverisjen komunale që të merren dhe të angazhohen për zgjidhje korrekte e jo të merren me megapolitikë sepse nuk është detyrë e tyre” shtoj Abazi./rajonipress/