Abazi: Gjilani në terr, si në kohë lufte

Gjilan – Këshilltari komunal nga radhët e PDK-së Sahit Abazi thotë për rajonipress se është i tmerruar me kaosin që po ndodhë ditëve të fundit në Gjilan. Tani qytetarët e Gjilanit nga një qytet i paqes, po e përjetojnë kohën e luftës dhe jemi shndërruar në një qytet terri e frike. Luta duhet t`i kthehet Gjilanit e ta lërë politikën e Ban Kimunit ka ironizuar Abazi.

Sahit Abazi thotë se përkundër faktit që njihemi si qytet i paqes, qytet ku siguria prej vitesh është e niveleve të kënaqshme tani ditëve të fundit qendra e qytetit tonë dhe një pjesë e konsiderueshme e zonave periferike janë në terr të plotë e që e kthen Gjilanin në kohë frike.

Abazi thotë se Gjilani sot nën këtë qeverisje anemike është qytet i territ dhe frikës. “Ftoj kryetarin e komunës ta lër politiken e madhe të Ban Kimunit, e t`i realizoj premtimet e veta elektorale, koha e akomodimeve në pushtet ka mbaruar edhe fushata ka mbaruar tani është kohë e punës kryetar. Mos i le qytetarët në terr siç bëre atëherë kur ike në Prishtinë për ta realizuar decentralizimin” tha Abazi./rajonipress/