AAK themelon nëndegën e saj në lagjen “Elena Gjika”

Gjilan – Pas kërkesave të shumta të banorëve të kësaj lagjeje për themelimin e nëndegës, të hënën është mbajtur kuvendi zgjedhor, ku unanimisht është vendosur që kryetar i kësaj nëndegë të zgjidhet Besim Salihu.

Në themelimin e nëndegës në lagjen “Elena Gjika”, ku morri pjesë edhe kryetari i AAK-së në Gjilan Rexhep Kadriu, u tha se ai dhe AAK në Gjilan, do të shtrihet çdo kund ku ka qytetarë që duan ta shohin një Gjilan më të mirë, e madje edhe aty ku një vullnet i tillë nuk ekziston, do të punohet për t`i bindur se ka njerëz të vullnetit të mirë, me vizion për qytetarin e Gjilanit.

Ndërkaq, kryetari i sapo zgjedhur i kësaj nëndegë, Besim Salihu, i ka premtuar kryetarit Kadriu dhe të gjithë anëtarëve të kryesisë së tij, se bashkë do të punojnë drejt një të ardhme më të mirë dhe drejt një fitoreje të sigurt në nëntor.

AAK në Gjilan, deri më tani ka themeluar mbi 60 nëndegë, ndërsa pritet që në të ardhmen ky numër të rritet./rajonipress/