AAK: Rexhep Mala e Nuhi Berisha, ndër figurat më të ndritura të qëndresës sonë kombëtare

Gjilan – Përpjekjet e shqiptarëve për liri e bashkim kombëtar, historikisht kanë nxjerrë figura të shquara intelektuale, patriotike e luftarake ndër shqiptarët. Këto përpjekje, ilegale dhe shpesh edhe sheshazi, e kanë pasuruar me emra të mëdhenj historinë e kombit shqiptar. Në mesin e këtyre emrave të mëdhenj, meritueshëm bëjnë pjesë edhe Rexhep Mala e Nuhi Berisha, dy shqiptar me shpirt liridashës që përjetësuan emrat e tyre në historinë e kombit, duke zënë vendin e merituar në altarin e lirisë.

Në të ftohtin e janarit, në natën ndërmjet datave 11 e 12, të vitit 1984, Rexhep Mala e Nuhi Bersisha ranë heroikisht në përleshje me forcat e regjimit famëkeq serb, në “Kodrën e Trimave” në Prishtinë. Të dy këta heronjë, u bënë shembull që motivoi shumë të rinjë e të reja të ndjekin rrugën e tyre për liri. Sakrifica e tyre, u shndërrua në këndellje të përgjithshme qytetare, duke qenë të bindur se pa përpjekje e luftë, pa aktivizim gjithëpopullor, nuk ka mundësi të fitohet liria.

Të gjitha proceset e mëpastajme në Kosovë, ishin vazhdimësi e vizionit dhe përpjekjeve të Rexhep Malës, Nuhi Berishës e shumë emrave të tjerë ndër shqiptar. Lavdi jetës dhe veprës së heronjëve e dëshmorëve të kombit thuhet në njoftimin e degës së AAK-së në Gjilan./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).