AAK: Gjilani nuk e ka merituar një trajtim të tillë çfarë është duke i bërë pushteti qendror dhe lokal

Gjilan – Përveç në infrastrukturë rrugore, Gjilanin e kanë bllokuar edhe në sport. Derbi Drita-Gjilani është i njohur edhe përtej kufijve shtetëror e kombëtar.
As në rrethana okupimi nuk ka ndodhur që të ketë lojë pa tifozët e dy ekipeve që na bëjnë krenarë kudo e gjithherë thuhet në reagimin e degës së AAK-së në Gjilan.

Tifozët janë ata që e mbajnë gjallë sportin kudo në botë e në të gjitha kohërat.
Është e tmerrshme që vitin 2022 të zhvillohet ky derbi pa shikues, për shkak se nuk ka stadium, sepse pushtetit nuk i bëhet vonë për asgjë e as për me i kriju kushtet e nevojshme për sport.

Pushteti ka për detyrë me kriju zgjidhje për të gjitha nevojat e qytetarëve.
Gjilani është vatër e sportit dhe sportistëve, e artit dhe artistëve, andaj meriton vëmendje të posaçme nga të dyja nivelet e pushtetit.

Fatkeqësisht, qeverisja komunale e nisi keq, vazhdon keq e do të përfundoj me shumë telashe mbrapa!/rajonipress/