AAK: Formimi i Ushtrisë, ditë historike për Kosovën dhe rajonin

Gjilan – Aleanca për Ardhmërinë e Kosovës, dega në Gjilan, e përshëndet vendimin me votë unanime të Kuvendit të Republikës së Kosovës, për Ushtrinë e Kosovës. Pas shumë përpjekjesh e sakrificash, mundime e procese të rënda e të shumta, po përmbyllet procesi i shtetndërtimit.

Sot, Kuvendi i Republikës së Kosovës, si rrallëherë kapërcej çdo ndasi e mospajtim, dhe miratoi pakon ligjore që e bënë FSK-në Ushtri të Kosovës. Krijimi i Ushtrisë së Kosovës dhe i Ministrisë së Mbrojtjes, është vendim historik për Kosovën, për rajonin, dhe për mekanizmat ndërkombëtar të sigurisë, siç është NATO. Ushtria e Kosovës është faktor stabiliteti në rajon, është garantuese e paqes dhe sigurisë, dhe siguron trajtim të barabartë për të gjitha etnitetet në Kosovë. Ushtria më e re, nuk është formuar kundër askujt, por është vendim sovran i shtetit. Vendet e pavarura dhe sovrane, vendosin për rregullimin e brendshëm shtetëror, andaj ky hap i sotshëm i organit më të lartë shtetëror, Kuvendit, është hap i cili lehtëson dhe ndihmon mekanizmat më të fuqishëm ndërkombëtar të sigurisë, për ruajtjen e paqes në rajon e botë thuhet në njoftimin e degës së AAK-së në Gjilan./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).