A po vdes ëndrra për Gjilanin Evropian?

Gjilan – Për shumë vite Gjilani ka garuar në nivel vendi për kah pastërtia, infrastruktura, gjelbërimi, lulet e bukura dhe qetësia e siguria që ka mbizotëruar. Por ka dy vite që Gjilani po kundërmon tmerrshëm dhe po ka mungesë ekstreme të ujit. Këto dy elemente ia humbin Gjilanit çdo ëndërr për të vazhduar tutje në garën e “Gjilanit Evropian”.

Për shkak të thatësisë së madhe qyteti i Gjilanit rrezikohet seriozisht për mungesë ekstreme të ujit. Gjilanit po i vdes ëndrra për të qen qytet me stil evropian dhe infrastrukturë evropiane.

Aktualisht e kemi një kundërmim të tmerrshëm në shumicën e qytetit të Gjilanit. Një situatë e rëndë ekziston në fshatrat Malishevë, Uglar, Pograxhë. Aty edhe me veturë nëse kalon duhet ta mbyllësh gojën, për shkak të erës së rëndë kundërmuese.

Lutfi Haziri dhe stafi i tij aspak nuk duhet të ndihen komod e të krekosen për punët e “hajrit” . Urgjentisht Gjilani duhet të investojë në eliminimin e ujërave të zeza dhe krijimin e puseve alternative për ta bërë të mundur furnizimin normal me ujë të pijshëm.

Nëse shkon në lagjet e qytetit të vetmin muhabet nëpër familjet e tyre e ke ujin.”A kemi ujë për sot, a ndalet uji dhe kur” e muhabete të tilla të ngjashme.

Kjo situatë tejet ekstreme dhe e rëndë, nuk është alarm vetëm për qeverisjen komunale, por për të gjithë shoqërinë gjilanase, por ekipi i Lutfi Hazirit nuk duhet të flejë e as pushojë natë e ditë për të ofruar një zgjidhje për këto dy situata ekstreme, në të kundërtën qytetarët do të revoltohen në ekstrem për këtë mjerim ekzistues. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).