A po i rikthehet skenës, Jehona Sopi

Këngëtaren e njohur shqiptare Jehona Sopi, ka kohë që nuk e kemi parë në skenë me ndonjë projekt të ri muzikor, megjithatë në opusin e saj, ajo numëron shumë hite që me ëndje edhe sot dëgjohen.

Përmendim këtu disa nga këngët e saja më të suksesshme:”Thuaje”, “Sot mos thuaj jo”, “Fustani i bardhë”, “Më do mua”, “Përvjetori”, e shumë të tjera që Jehona Sopin, e bëjnë artiste të pakontestueshme.

Kujtojmë se kënga e fundit e lansuar nga Jehona Sopi, mbetet ripërpunimi i këngës “Shukarije”, në bashkëpunim me këngëtaren tashmë të ndjerë Esma Redzepova.

Muzika shqipe, ka nevojë për një këngëtare si Jehona Sopi, e cila edhe pse nuk ka paralajmëruar ndonjë risi, nga momenti në moment, mund t’na befasojë.

Aktualisht këngëtarja, i është përkushtuar profesionit të saj psikologe, të cilin po e ushtron me shumë zell.

(Kosova Sot)