A po hetohet Shpresa Bakija edhe për një lëndë tjetër në Gjilan?

Gjilan – Sipas burimeve shumë të sigurta nga Prokuroria Themelore, Departamenti për krime të rënda në Gjilan, kryeprokurorja e PTH në Gjakovë, Shpresa Bakija është në hetim e sipër për një lëndë tjetër, e që ka të bëjë me një parashtresë e ushtruar kundër kësaj kryeprokurore me dyshim për keqpërdorim të detyrës zyrtare.

Sipas të njëjtave informacione ndaj të njëjtës janë ngritur dyshime nga një ish zyrtar nga Komuna e Gjakovës, se duke keqpërdor detyrën zyrtare ka tejkaluar autorizimet e veta dhe ka shkelur të drejtat e këtij qytetari.

Rajonipress ka tentuar disa herë të marr informata ma të sakta dhe për arsyen e vërtetë të ushtrimit të kësaj parashtrese ndaj të njëjtës kryeprokuroreje, por kryeprokurori Jetish Maloku, nuk pranoi të prononcohet dhe të jap çfarëdo informacioni për rastin konkret.

Siç dihet e njëjta kryeprokurore e Gjakovës ishte akuzuar për shpërdorim detyre zyrtare, bazuar në një kallëzim penal ushtruar nga BIRN në Prishtinë e pastaj e liruar nga gjykata kompetente në Gjilan./rajonipress/