A mundet një dietë e lëngshme ta largojë diabetin?

Kërkuesit shkencorë janë duke analizuar se a mundet një dietë e lëngshme, me pak kalori, ta largojë diabetin e tipit II, apo ta zvogëlojë nevojën për insulinë.

Studimet e mëparshme kanë treguar se dietat me pak kalori mund ta largojnë diabetin e tipit II te personat te të cilët nuk ka më shumë se katër vjet që është diagnostikuar kjo sëmundje.

Studimi i ri tremujor, i bërë në “Imperial College” të Londrës, merret me vlerësimin e përfitimeve nga një dietë me pak kalori te 90 pacientë me formë afatgjate të diabetit të tipit II, të cilët ishin në terapi me insulinë.

Ky studim është ende në vijim e sipër, ku të gjithë pjesëmarrësit do të përcillen përgjatë periudhës një vjeçare, duke iu matur indeksi i masës trupore çdo muaj. Mendohet se dietat me pak kalori ndikojnë në djegien e dhjamërave në trup, respektivisht në dhe rreth mëlçisë dhe pankreasit, ku dihet se në pankreas prodhohet insulina. Dhjami i pengon këto organe që të punojnë si duhet, gjë që nënkupton edhe rënien e prodhimit të insulinës, respektivisht rritjen e nivelit të sheqerit në gjak.