A ka gjë ma taksirat
Poezi nga Demir Krasniqi
A ka gjë ma taksirat –
Se kur mbesin shkollat thatë ?!
Nxënësit ikën, shkuan n’ kurbet –
Shumë shkolla na mbetën shkret !
Kur sheh shkolla thatë pa nxënës –
Mu si djepat e thatë të nënës !
Kur sheh shkolla thatë pa mësues –
Mu si gurrat pa kullues !
Kur shesh shkolla pa arsimtarë –
Mu si drithërat pa hambarë !
Kur sheh shkolla pa ditarë –
Mu si fshatrat pa fshatarë !
Kur i sheh shkollat pa banka –
Mu si muret nëpër baraka !
Kur sheh shkolla pa karrige –
Mu si stallat nëpër brigje !
Kur sheh shkolla pa tabela –
Si sharkia që s’ ka tela !
Kur sheh shkolla mbyllë nën dry –
Lot të rëndë rrjedhin nën sy !
Kur sheh shkolla të rrënuara –
T’ kapin ethe të trishtuara !
Gjilan, më 10.07.2019
Demir Krasniqi