A janë të gatshme të fillojnë punën banjat rehabilituese, flet Xhevat Demiri

Gjilan – Rishikimi i masave ndaj Covid-19 po bëhet në mënyrë sistematike, me qëllim të përcaktimeve më të mira të tyre, për ta minimizuar rrezikun nga virusi në njërën anë, e në anën tjetër, për ta ruajtur shëndetin ekonomik në vendin tonë thotë Xhevat Demiri, kryesues për anti Covid pranë kabinetit të zv.kryeministrit të parë.

Postimi i plotë i Xhevat Demirit

Sot isha për vizite tek “Banja e Kllokotit”, me pronarë z. Kadrush Rexhepi, për të verifikuar gjendjen dhe gatishmërinë e këtij institucioni shëndetësor nëse është i gatshëm të hapet, me që shumë qytetarë tanë kanë nevojë për trajtim nga shërbimet që ofron ky institucion.
Të gjitha masat e përcaktuara nga IKSHPK qenkan ndërmarrë, sidomos ato që ndërlidhen me higjienën dhe sipas z. Rexhepi, “Banja e Kllokotit” është e gatshme të rihapet.
Për rastin në fjalë, përfshirë edhe për institucionet tjera që ofrojnë shërbime të ngjashme, do të kërkoj nga Zëvendëskryeministri i Parë z. Besnik Tahiri që të ndërmarrë hapat konkret për lejim të punës.
Qeveria e Republikës së Kosovës duhet të futë në listën e prioriteteve të hapjes së këtyre institucioneve që ndërlidhen ngushtë me shëndetin e qytetarëve ka shkruar Xhevat Demiri, kryesues për anti Covid pranë kabinetit të zv.kryeministrit të parë./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).