A humbni kilogramë gjatë Ramazanit, ja ҫfarë duhet të dini për ‘dietën’ e muajit të shenjtë

Disa prej jush mund të mendojnë: “Uaauu, duket zgjidhje shumë e mirë për të rënë nga pesha! Po e provoj!” Po, në fakt, Ramazani shpesh njihet si një peridhë gjatë së cilës shumë njerëz shtojnë në peshë.

Kjo shpjegohet me faktin e të ngrënit shumë ushqime në mëngjes herët dhe natën vonë, me një periudhë aktiviteti të ulët në mes, që ҫon në depozitim të ushqimeve në metabolizëm.

Por, nëse jeni të kujdesshëm, mund ta shmangni shtimin në peshë, madje edhe mund të humbni disa kile.

Një analizë e studimeve shkencore ka shpjeguar më shumë për efektet e agjërimit në organizmin e njeriut dhe rezultoi se ndryshimet ishin shumë të vogla.

Pas këtij muaji, ҫdo njeri kthehet me lehtësi në peshën trupore që ka pasur para Ramazanit.

Ramazani ofron mundësi për të rënë nga pesha, por duhet të ndiqet një dietë e ekuilibruar dhe e qëndrueshme, një dietë e cila duhet respektuar edhe pas kësaj periudhe njëmujore në mënyrë që rezultatet të jenë ato që prisnit.

Pra, si me çdo plan diete, edhe gjatë këtij muaji mund të humbni kile, por nëse bëni “modifikime” në stilin e jetesës. Vetëm atëherë, sipas specialistëve, rezultatet do të jenë të dukshme.