A e keni ditur këtë për dredhëzat?

Këto pemë të kuqe, aromatike, janë plot me vitaminë C, me thartira folike dhe aminoacide, prandaj ndikojnë në uljen e kolesterolit dhe në zvogëlimin e rrezikut nga kanceri.

Romakët e vjetër mendonin se dredhëzat kanë veti magjike, prandaj i përdornin për shërimin e shumë sëmundjeve, duke filluar nga depresioni, e deri te alivanosja dhe ethet, dhembjet e fytit dhe gurët në veshkë, transmeton gazeta Kosova Sot Online.

Dredhëzat kanë pak kalori, e nëse i hani para ushtrimeve, atëherë do të digjni më shumë kalori, gjë që shpjegohet me nivelin e lartë të nitrateve. Në vend të shllagut, mbi dredhëza qitni biber. Shija në këtë rast mund të mos jetë aq e mirë, por të tilla, dredhëzat bëjnë mrekulli për zvogëlimin e dhjamit në bark. Thartira e dredhëzave ndikon në zbardhjen e dhëmbëve, e dredhëzat përdoren edhe për përkujdesje ndaj lëkurës. Francezët mendojnë se dredhëzat janë afrodiziakë, prandaj ua shërbejnë të sapomartuarve. Belgët kanë krijuar një muze për dredhëza, e, nëse nuk e keni ditur, dredhëzat janë pema e vetme që i ka farat në pjesën e jashtme, ku çdo dredhëz ka rreth 200 fara.

(Kosova Sot)