A do të shkarkohet Bordi Mbikëqyrës i “Trepçës”?

Kryeministri i Kosovës Albin Kurti gjatë një vizite në “Trepçë” ka siguruar protestuesit shaljanë se do të vazhdojë t’i shkarkojë bordet jofunksionale pa përmendur “Trepçën”. Syla: “Trepçën” e shpëton vetëm fuqia e re punëtore. KOP-i: Shkarkojeni Bordin Mbikëqyrës të “Trepçës”, ka bërë shkelje të mëdha, shkruan gazeta “Zeri”.

Zëri i tij nuk është dëgjuar shumë prejse banorët e Shalës së Bajgorët, përkatësisht kandidatët që kanë aplikuar për punë në “Trepçë” dhe të cilët nuk janë pranuar, kanë protestuar të pakënaqur me përzgjedhjen e kandidatëve. Ardian Syla, kryetar i Bor- dit Mbikëqyrës të “Trepçës”, përmes një shkrimi në llogarinë e tij “Facebook” ka kërkuar nga shaljanët të kenë mirëkuptim për problemet me të cilat përballet aktual- isht “Trepça” e që kryesisht janë të natyrës financiare, por njëkohësisht ka konstatuar se vetëm fuqia e re punëtore mund ta nxjerrë “Trepçën” nga situata, në të cilën ndodhet. Por gjithçka mund të ndryshojë pasi kryemi- nistri i vendit, Albin Kurti, gjatë një vizite në “Trepçë” ka siguruar protestuesit se do t’i shkarkojë bordet jofunksionale, por nuk e ka përmendur “Trepçën”. Ai ka përsëritur se do të vazhdojë t’i shkarkojë bordet, ndërsa protestuesve shaljanë u premtoi se kërkesat e tyre do të merren parasysh.

Shpërndaje.
© RAJONIPRESS