A do të realizohet kërkesa e Vitisë për qasje në autostradë, përmes Gërlicës?

Viti – Sokol Haliti e ka takuar Lumir Abdixhikun dhe ka kërkuar nga ai që të realizohet qasja e banorëve të Vitisë në autostradë përmes Gërlicës. Ndonëse Haliti ka qen këmbëngulës në këtë pikë, Abdixhiku nuk e ka thënë asnjë fjalë dhe ende mbetet me dilema nëse kjo ministri do e përkrah kyçjen.

Sokol Haliti në kohën e Ramush Haradinjat ka bërë përpjekje maksimale që Vitia të ketë qasje në autostradë përmes Gërlicës dhe këtë kërkesë e kishte realizuar.

Por ardhja e Lumir Abdixhikut dhe stili i tij shumë i “rëndë”, për të ndihmuar komunat ka bërë që kjo kërkesë e Halitit të mbetet akoma pezull.

Haliti në një takim që ka pasur me Lumir Abdixhiku, ka kërkuar që të realizohet qasja në autostradë përmes Gërlicës.

Haliti, pos që e ka uruar ministrin Abdixhiku për detyrën e re, ka ritheksuar nevojën parësore që qytetarët e Komunës së Vitisë të kenë qasje në autostradën “Arben Xhaferi” përmes Gërlicës.

Haliti, ka folur me Abdixhikun edhe për shumë projekte të tjera infrastrukturore dhe ambientale të cilat janë të nevojshme dhe të domosdoshme për qytetarët e komunës së Vitisë./rajonipress/