A do të luajë për Kosovën? Përgjigja e Mërgim Berishës lë pak shpresë

Mërgim Berisha ka qenë një nga shqiptarët më në formë këtë edicion në të gjitha ligat evropiane. Ylli kosovar që ka pasaportë gjermane ka shkëlqyer për Salzburgun.

Berisha madje ka qenë lojtari kryesor i kampionit austriak në fazën e grupeve të Champions League.

Në një intervistë për Albinfo.at, Berisha ka folur edhe për përfaqësuesen e Kosovës.

“Për momentin jam duke luajtur për Gjermaninë. Por, jam shumë krenar me shtetin e prindërve të mi. Kosova është shumë e mirë aktualisht, por jam i bindur se do të jenë edhe më të mirë në të ardhmen”, ka thënë sulmuesi kosovar.

Mërgim Berisha ka disa vjet që luan për të rinjtë e Gjermanisë, ndërsa është ende i papërcaktuar se për cilin shtet do të luajë në të ardhmen, Kosovën apo Gjermaninë./Indeksonline/