A do të luajë Loret Sadiku për Kosovën? Përgjigjet menaxheri Bajram Shala

Menaxheri i Kombëtares së Kosovës, Bajram Shala ka folur për rastin e Loret Sadikut, për të cilin thotë se është i komplikuar. Për momentin nuk dihet ende nëse qendërmbrojtësi do të ketë të drejt të luajë për “Dardanët” apo jo.

Bajram Shala, menaxher i Kombëtares së Kosovës, në emisionin “Favorit” në T7 thotë, thotë se rasti i Loret Sadikut mbetet ende pezull.

“FIFA pretendon se Loreti e ka nënshkruar një dokument për të kaluar nga Kombëarja e Suedisë në atë të Shqipërisë në vitin 2013. Loreti e mohon ta ketë nënshkruar një dokument të tillë. Ai e angazhuar një avokat për këtë punë. Nëse Loreti dhe FIFA arrijnë të konstatojnë që ai nënshkrim nuk është i Loretit, atëherë do t’i hapet rruga për të ardhur në reprezentacionin e Kosovës. Në të kundërtën do të jetë e pamundshme të luajë me ne”, shpjegon Shala.

Një lojtar mund ta ndërrojë vetëm një herë Kombëtaren dhe Sadiku ka qenë fillimisht pjesë e Suedisë, e më pas planifikonte t’i bashkohej Shqipërisë, e më pas Kosovës.

Ai nuk e ka zhvilluar asnjë ndeshje për Suedinë e Shqipërinë, ndërsa kishte luajtur ndeshje miqësore me Kosovën para pranimit në UEFA e FIFA. /Gazeta Express/