Mobi Casa

A do të luajë Andi Zeqiri kundër Kosovës, vendit që refuzoi ta përfaqësonte?

/ 2 minuta lexim

Zvicra dhe Kosova do ta luajnë një ndeshje miqësore më 29 mars. Kjo u konfirmua sot nga të dy federatat përkatëse.

E kjo ndeshje do të jetë pa dyshim speciale për futbollistët që kanë prejardhje kosovare, por që mbrojnë ngjyrat e “helvetikëve”.

E tillë mund të jetë edhe për Andi Zeqirin, i cili zgjodhi Zvicrën para Kosovës, shkruan Gazeta Express.

Zeqiri madje në vitin 2020 u pa me fanellë të Kosovës bashkë me presidentin e Federatës së Futbollit të Kosovës, Agim Ademin, duke mos lënë asnjë dyshim se ai do ta zgjidhte Kosovën.

Por, që nga ai moment, gjërat rrodhën krejtësisht ndryshe.

Eco Higjiena

Fillimisht ai ishte pjesë e një liste paraprake për Kampionatin Evropian të vitit të kaluar, por që do të lihej jashtë më vonë, duke mos figuruar në listën zyrtare të “helvetikëve”.

Kjo nuk bëri që Zeqiri të zmbrapsej dhe punoi derisa mori ftesë dhe minutazhë me ekipin A të Zvicrës. Ai ishte pjesë e Zvicrës në ndeshjet e shtatorit dhe nëntorit, duke u inkuadruar në lojë për pak minuta në katër ndeshjet e luajtura.

Në të katër këto ndeshje, ai zhvilloi gjithsej 37 minuta, duke u inkuadruar në momentet e fundit të ndeshjes.

Zvicra në mars i zhvillon dy ndeshje miqësore. Fillimisht më 26 mars përballet me Anglinë në “Wembley”, kursi tri ditë më vonë do ta presë Kosovën.

Në këto dy ndeshje pritet që Andi Zeqiri të jetë pjesë e Zvicrës. /Gazeta Express/