A do të largohet Cana nga Lazio? Përgjigjet Agimi

Agim Cana, babi dhe agjenti i mbrojtësit shqiptar të Lazios, Lorikut, në një intervistë për ‘Lalaziosiamonoi.it’, ka folur për të ardhmen e kapitenit të Shqipërisë.

Lorik Cana mund të largohet nga Lazio. Këtë nuk e ka përjashtuar as babai i kapitenit të Shqipërisë, Agim Cana. Por, ky i fundit insiston se ish futbollisti i PSG-së, Marseille, Sunderland e Galatasaray, është i përqendruar tek ekipi italian, skuadër më të cilën ai synon të luajë në Ligën e Kampionëve.

“Ai ka edhe një vit e gjysmë kontratë me Lazion. Ai është mirë dhe 90 përqind luan rregullisht. Gjashtë muajt e ardhshëm do të jenë vendimtar për të marrë në konsideratë nëse do të shkon në ndonjë vend tjetër”, ka thënë Agimi

“Ai në Gjermani mund të luaj dy ose tre vjet, por për momentin ka vetëm kontakte dhe asgjë më shumë. Gjeja më rëndësishme tani është që kampionatin ta mbyll në pesë skuadrat e para, e ndoshta të sigurojë Ligën e Kampionëve, e atëherë ne do të shohim të ardhmen e Lorikut”, shtoi ai.