A do të grumbullohet sulmuesi Astrit Selmani me Kosovën? Përgjigjet menaxheri!

Kombëtarja e Kosovës në futboll, për herë të parë e ftoi Astrit Selmanin, në ndeshjet kualifikuese të Kupës së Botës.

Por ardhja e sulmuesit kosovar të Hammarbyt është në dyshim, meqë një bashkëlojtar i tij ka dal pozitiv me Covid-19, i gjithë ekipi është në karantinë.

Menaxheri i tij, Elbasan Selmani la të nënkuptohet që Astriti mund të grumbullohet me ‘dardanët’ për ndeshjet e këtij muaji.

“Astriti është ende në karantinë si pjesa tjetër e ekipit. Ai nuk ka simptoma hiq të asgjëje dhe ata mund të dalin nga karantina të premten. Sa për ekipin kombëtar, ne kemi pasur kontakte dhe rregullat nga Uefa thonë se do të testohemi edhe këtë fundjavë” deklaroi menaxheri Elbasan Selmani për Indeksonline.

Kosova do të zhvillojë tre ndeshje këtë muaj, fillimisht miqësoren ndaj Lituanisë, pastaj kualifikimet e Kupës së Botës ndaj Suedisë e Spanjës.

/Indeksonline/