A do ta përkrah seriozisht LDK kandidatin e saj Arbër Ismajlin në balotazh?

Gjilan – LDK në Gjilan këto ditë po mrizon, ndërsa Arbër Ismajli, duke mos qen kryetar i LDK-së edhe ai po ndihet “komod”, derisa Alban Hyseni pa pasur asnjë kredi pozitive në publik, në mungesë të projekteve dhe komunikimit të dobët me publikun, po bënë fushatë natë e ditë. Realisht ky është alarm për Arbër Ismajlin dhe pse jo edhe për LDK e Gjilanit.

Procesi i rregull zgjedhor është kryer dhe tashmë po dihen rezultatet. Janë dy kandidatë që synojnë postin e kryetarit të Gjilanit, Arbër Ismajli dhe Alban Hyseni.

Alban Hyseni e ka vazhduar me të njëjtin ritëm demagogjinë e tij tashëm të njohur për elektoratin e LVV, dronët dhe videot e dështuara, që i prezanton çdo ditë kinse për realizim të projekteve, gjë që për elektoratin e tij është krejt ok.

LDK e Gjilanit është në gjumë të thellë dhe nuk po i ngutet. Arbër Ismajli fatkeqësisht nuk është kryetar i LDK-së, për t`i pasur frenat në dorë dhe po pret miratim nga partia për shumë gjëra të mbetura pezull.

Arbër Ismajli nëse e dëshiron fitoren duhet të dal përjashta dioptrisë së LDK-së, duke joshur qytetar dhe njerëz të pakënaqur kudo në lagje, një plus i madh që gjithmonë LDK e injoron.

Arbëri edhe më financa nuk ishte mirë, thjeshtë duke pritur partinë ose lëmoshën e saj. Derisa Alban Hyseni ka shpërndarë buxhet të madh, madje edhe kanë blerë vota në këmbim të një rezervuari naftë ose benzinë, këtë e dinë fare mirë ata se kush ka ofruar të dielën këso dhurata për votuesit e LVV.

Arbër Ismajli nuk duhet ta pres Lutfi Hazirin sepse ai gjithmonë vonohet në hapat vendimtar. Arbëri duhet të dal në teren të punojë me qytetar, me media e shoqëri civile, në të kundërtën rezultatin do ta ketë katastrofalisht negativ.

Shtabi i LDK-së ishte shtab i tik – tokut, faceebokut, duke lënë të kuptohet se e kanë kryer edhe obligimin në raport me mediet. /rajonipress/