A do ta falte Mihrija Naimin nëse do ta tradhëtonte?

Këngëtarja e mirënjohur Mihrije Braha gjatë një bisede për Indeksonline ka treguar se është në përgatitje të një projekti të ri muzikor, të cilit mendon t’i realizojë edhe videoklip.

“Jam duke punuar këngën e re. Shpresoj brenda 10 ditëve ta shoqëroj edhe me videoklip”, ka treguar këngëtarja.

Braha, përveç përkushtimit në muzikë, e angazhuar është edhe në prezantim në një nga mediumet tona. Angazhimet e shumta shpesh herë e kufizojnë atë kur bëhet fjalë për pushime.

“Kemi shumë impenjime për momentin, nuk ka pushime vetëm punë. Por, besojmë që në shtator do të bëjmë një pushim të mirë”, tha ajo.

Ndër vite, këngëtarja në fjalë shquhet për modestinë e saj, look-un e saj, duke mos lënë anash asnjëherë pamjen e saj rinore.

E pyetur se çfarë e bënë atë të ndihet më e re, ajo ka thënë: “Mendimi pozitiv, respekti për të tjerët”.

Gjatë intervistës ajo ka treguar shumë çka për vetën e saj.

Mihrija thotë se sekreti i një lidhjeje të lumtur është “dashuria e sinqertë”.

E pyetur nëse do të falte tradhëtinë në çift ajo është përgjigjur: “Jo asnjëherë”, ka thënë prerazi Braha./express/