Adi Krasta e rinis përsëri aty ku mbylli sezonin

Dolën fjalët se moderatori po përgatiste transferimin si drejtor programacioni në tjetër televizion, por…

U fol shumë gjatë verës pas mbarimit të sezonit televiziv, se Adi Krasta nuk kishte bindur drejtuesit e “Agon Channel” me audiencën e afruar, për të rinovuar kontratën.

Madje dolën fjalët se po përgatiste transferimin si drejtor programacioni në tjetër televizion, Channel One”. Zhdukja e tij për disa muaj nga ekranet televizive ngjalli shumë dyshime.

Por ja që Krasta ka hedhur poshtë çdo aludim dhe është shfaqur sërish, në po të njëjtin ekran, atë ku ishte sezonin e kaluar.

Ende jo me një emision të ri, por me promon e “A show”-t të tij tashmë të njohur. Duke nisur nga fillimi tetorit do të mund ta ndjekim dy netë në javë, sërish në “Agon Channel”. Pra edhe për sezon do të vazhdojë aty ku e la, megjithëse s’duhet të mungojnë risitë e servirura për të fituar sa më shumë audiencë.